გაზაფხული

photo of ELLE ZELMAN

ფისოების თამაში ხომ გინახიათ.

როგორ თავგანწირვით ებრძვიან ერთურთს. გეგონება დახოცავენ ერთმანეთს.

გაიხედავ და ვითომ არაფერიც არ მომხდარა, ლოკავენ ერთმანეთს და სრულ განცხრომაში არიან. 

თუ ძიძგილაობისას მთელმა უბანმა იცის მათი ჩხუბის შესახებ, ამა ვერავინ ვერ იგებს. ხანდისნან თუ ჩაიხუტებიან და ეგაა.

ბიჭი ჯერ ისევ პატარაა, მუდმივად მზადყოფნაშია სათამაშოდ. 

გოგო კი უკვე  ქალია, ახალგაზრდა ქალი. ლამაზი ქალი.

მაგრამ სკამარისია რაიმე ახალი იდეა მიაწოდო და ისევ ბავშვია. აღტაცებული ბავშვი. განხილვისთვის მუდნივად მზად მყოფი. თავისი პოზოციის დასაცავად დილამდე მოკამათე. ამაშია მისი ინდივიდუალიზმიც და მისი ხიბლიც.

ის ბიჭივით  ძაფზე ჩამოკიდებულ სატყუარაზე აღარ რეაგირებს. უბრალოდ თვალი შეიძლება გააყოლოს. ეს არის და ეს. 

ღიმილზეც ხომ ეტყობა, რომ ბავშვიც აღარა და ქალობასაც ჯერ ვერ შეჰეგუებია საბოლოოდ.

ყველაფერი მის საბოლოოდ ჩაოყალიბებაზე მიუთითებს. 

ღიმილი განსაკუთრებით.

ბევრი ღიმილიანი დღე ელით მათ.

კიაზო ბერიაშვილი

ნისანის 23 დღე

სამოთხის ვაშლი.

ასაკოვანი ადამიანები მეკითხებიან: რა არის ეს?
ბავშვები მეკითხებიან: როგორ გამოვიყენოთ ეს?

სტივ ჯობსი
1955 – 20111

ამ კაცმა კაცობრიობას მისცა ვაშლი და აზიარა მომავალს.
მან ბოლომდე მიიყვანა იდეა კომპიუტერისა.
ეს იდეა მთელი 20 საუკუნე ჰაერში ტრიალებდა.
ამ იდეის ხორვშესხმა გახდა ბიძგი კაცობრიობის განვითარების ახალ ეტაპზე გადასვლისა. ბიძგი მისცა ისეთი ტექნოლოგიების შექმნას, რომლბმაც სრულიად ახალ ცივილიზაციურ ეტაპზე გადაიყვანეს კაცობრიობა.
სტივ ჯობსმა შექმნა მოწყობილობა სახელად კომპიუტერი.

ცვლილებები მოხდა არა მარტო ტექნოლოგიების განვითარებაში.
ნელ ნელა ცვლილებები შეეხო უკვე ადამიანის საქმიანობის უკლებლივ ყველა სფეროს.
ყველა და ყველაფერი გახდა ძალიან სწრაფი და აქვე, სადღაც ახლოს არსებული. ხელმისაწვდომი და ყოვლის მომცველი.

სტივ ჯობსი მარტო არ იყო. უამრავმა გენიოსმა შეიტანეს ახალი ეპოქის დადგომაში წვლილი. ფიზიკოსებმა თუ მათემატიკოსებმა, ფილოსოფებმა თუ მწერლებმა. ყველამ ვინც მზად იყო თავი გაეწირა ამ იდეისთვის,

ხელოვანები ნახევარი წამით ადრე გრძნობენ ამ ცვლილებებს, ლაპარაკობენ მათზე, წერენ ამ მოვლენების შესახებ. მოკლედ ყველა ვისაც შეუძლია, აახლოებენ მომავალს. პარარელულად კი კაცობრიობას უყალიბებენ მყარ შეხედულებებს, ფასეულობებს, პერპექტივის შეგრძნებას.

2016 წლის ოსკარის დაჯილდოვების ცერემონიალი ჩვენს თვალწინ გადაიქცა ამ ახალი ეტაპის იდეების ფესტივალად.
თუ გასულ წლებში წამყავნი იყო ადამიანის შინაგანი სამყარო. მისი განცდები და ჩამოყალიბების პროცესი. წელს აღმოჩნდა რომ ყურადღების ცენტრში აღმოჩდნენ ისინი, ვინც იდეებით და რაც მთავარია, პირადი ცხოვრებით მოაახლოვეს ეს ეტაპი. ეს გააკეთეს ყველაფრის მიუხედავად. ავადმყოფობის თუ იდეის სისწორეში დარწმუნებულმა პიროვნებებმა. მათი თავგანწირვის შედეგია სტივ ჯობსის წარმატება და შედეგიანობა. სწორედ ასეთი ადამიანების შესახებ შექმნილი სამი ფილმი გახდნენ წამყავნები წლევანდელ ცერემონიაზე. ეს დაჯლდოვება იქცა მემორიალად იმ ადამისნებისა, რომლბმაც აკცობრიობის აზროვნების მოდელი შეცვალეს.
"60 წლების კროფეების ფილმები წყნარად ჩაანაცვლეს ამ ახალი ეპოქოს ფილმებმა.
სამივე ეს ფილმი ერთსა და იმავეს ჰიმნია. ისინი გვამცნობენ, რომ მსგავსი ფილმები უფრო და უფრო დაიპყრობენ გონებას და გვაზიარებენკააცობრიობის ზრდასრულობას. მთელი 20 საუკუნე ასყმაწვილო სენით იყო ავად. კაცობრიობა კედლებს აწყდებოდა საკუთარი თავის ძიებაში. მოისინჯა ყველა გზა, სექსიდან დაწყებული და ჰიპობით დამთავრებული, ტერორიზმით დაწყებული და კრიმინალური სამყაროს გაიდეალებით დამთავრებული.

წელს პირველად წამოვდნენ წინა პლანზე ახალი ეპოქის ფილმები.
კაცობრიობის ახლი იდეოლოგიის მქადაგებელი ფილმები.
მერწყულის ეპოქის ფილმები.
ინდიგო თაობის ეპოქის ფილმები.
მათი ცხოვრების იდეალების მამკვიდრებელი ფილმები.

ყევლაფრის თეორია
THE THEORY OF EVERYTHING
http://www.imovies.ge/movies/450141401

იმიტაციის თამაში
THE IMITATION GAME
http://www.imovies.ge/movies/450141985

შეპყორბილნი
WHIPLASH
http://www.imovies.ge/movies/450141414

სტივ ჯობსმა ადამის სამოთხის ვაშლი მოგვაწოდა და გაგვიღიმა!

კიაზო ბერიაშვილი
15.03.15

სილუეტი

გინახიათ დასასვენებლად წამოწოლილი უზადო სილუეტი?
ბუნება საოცარი დიზაინერია.
ყველაფერი წონასწორობაშია.
ერთი უწყვეტი ხაზი მისი მისი სტიქიაა.
მოულოდნელობა მისი ფიშკაა.
მას უყვარს ესეთი მოულოდნელი გამონათებები,
რომლებიც ექ გელიან, სადაც წესით არ უნდა ყოფილიყვნენ.
ყველაზე ჩვეულებრივ სიტუაციაში უცებ ხედავ  აი იმ სრულყოფილ ხაზს. სილუეტს.
ამ ხაზის აღქმას თავისი ხიბლი აქვს. გიხარია როცე დაინახავ,
აღმოაჩენ და ხვდები რომ სრულყოფილებას ხედავ.
ეს სილუეტები და ხაზებია სამყაროს დასტური, რომ ის აქ არის.
წამოწოლილია და იცის რომ კარგი ხაზია, კარგი სილუეტი.
სრულყოფილი.

კიაზო ბერიაშვილი
08.03.15

?

ზღვა, მიმოზები, თბილი მზე!

ზღვა, მიმოზები, თბილი მზე!

___________________________________________________

სოხუმი.

ეს ქალაქი მხოლოდ ერთხელ ვნახე.

შეკვეთა გვქონდა შესასრულებელი.

სამთავრობო შენობაზე ჰერბი უნდა აგვეწყო, შეგვეღება და მიგვემაგრებინა. 

გექნებათ ნანახი მინისტრთა საბჭის შენობაზე.

მოკლედ ჩავდით სამი კაცი, ჩავიტანეთდიიდი მახინა.

დაგვაბინავეს ამ სატუმროში სახელად "აფხაზეთი".

შევყდექით მუშაობას.

შაბთ კვირას ვისვენებთ,

მაისის თვეა.

ყვავის მთელი ქალაქი.

სასტუმრო ზედ ბულვარზეა. საღამოობით ბულვარზე ვსეირნობთ.

ოთახის ფანჯრებიც ბულვარზე გადის.

სასტუმროს კუთხეში იყო კაფე. სულ ხალხი ტრიალებდა. ყავას სვამდნენ. 

ახალ ამბებს განიხილავდნენ.

ქუჩაში იყო დადგმული მაგიდები.

ჩიტები უწყვეტ სკანდალებს აწყობდნენ.

რაღაცას ვერ იყოფდნენ,

მოკლედ სერიოზული ხმაური იყო. ე

რთხელაც, შაბათი დღეა.

ფანტსტიური დილაა.

მზე. ტალღები/ აყავევბული, გადაპენტილი ხეები.

სოხუმელების საუბარი ჭიქა ყავასთან. ბევრნი ჩანოსახმელ ლუდს მიირთმევენ.

ჩიტები შუხურობენ. 

თოლიები არ ერევიან მაგრამ აკვირდებიან სიტუაციას.

უეცბ, უჩვეულო ყაყანი ატყდა.

ადგილობრივი ლოთები ეჩხუბებიან, გამყიდველს.

გაირკვა, რომ ლუდი გათავდა!

ინტელიგენტი მოსახლეობა იხრჩობა! მათ სწყურიათ! რა მიმოზები და რა თოლიები! პრობლემაა. სერიოზული პრობლემა!

ჩვენ ამ აკივლებულ, დამაშვრალ იტელექტუალებს  ზევიდან დავყურებთ და ტიპაჟებზე ვერთობით. 

ჩვენ ვისთანაც ერთად ვიყავით ჩასულები, თბილისში ძალიან დიდი რანგის პარტიული ბოსის სიძე იყო და ადგილობრივ მთავრობაში სიტყვა ეთქმოდა. ისინიც ყურადღებით უსმენდნენ და ითავლისწინებდნენ.

მოკლედ ხმაურმა ისეთ დონეს მიაღწია, რომ სიძე წამოხტა და ტელეფონს ეცა. სადღაც დარეკა, ამხანაგი უბილავა იკითხა. 

შეართეს. სიძემ, ბატონ იუზას მოკლედ გააცნო შექმნილი სიტუაცია და დახმარება ითხოვა, ეგების რამე მოგვიხერხოთო.

იმან ეგრევე ვიღაცა გამოიძახა და დავალების არსი გააცნო.  ამან იმას, იმან კიდევ ვიღაცას. მოკლედ ამუშავდა მანქანა რათა ქალაქის ლოთებისთვის უხერხულობა მოესნათ და ჩვენც ამიგვესუნთქა.

სიმართლე რომ გითხრათ, ჩვენ ჩვენთვის ვჩალიჩობდით. ლუდი გვინდოდა ძლიერ! თავის გახეთქვამდე.

გადის სადღაც 20–30 წუთი. კაფესთან ჩერდება სატვირთო მანქანა, და მუშები იწყებენ ბოთლების და კასრების გადმოტვირთვას, ყევლაფერი  ცივი, დაორთქლილი, ლამის გაყინული.  ჩეხური ლუდი მოიტანეს!

დირექტორი შოკშია. ინტელექტუალები უკვე ლოცულობენ. 

ვერავინ ვერ გაიგო, საიდან. რატომ. ამდენი ბოთლი როგორ.

ტელეფონზე ზარია, ვიღაც ინსტრუქტორი რეკავს, ლუდი თუ მოიტანესო აზუსტებს. 

დასტურ!

ამაყად ჩავდივართ კაფეში, ვდგებით რიგში, ვიღებთ  ბევრ ლუდს. სოსისს, შავ პურს და ოტკას!

ეს სიამოვნება დღემდე მახსოვს. 

რამდენი გამახსენდება, კვნესას ვიწყებ!

ზღვა, მიმოზები, თბილი მზე და სრული კაიფი.

იმ დღის მერე იმ კაფის მომარაგებას ყურადღებას აქცევდნენ.

დირექტორმა მიუჩვეველზე, ჯერ თავის მოკვლა სცადა. არ იყო მიჩვეული ასეთ პირობებს. თან არც არაფერს ეუბნებოდნენ! უბრალოდ მოჰქონდათ და მოჰქონდათ!

კიაზო ბერიაშვილი

07.03.15

METAMORPHOSIS

გინახავთ  როგორ იბადება პეპელა?
იბადება  წვლაებით, თითქოს ვიღაცას ან რაღაცას ებრძვის. ეწინააღმდეგება.
ბოლოს ის თავის მიზანს აღწევს. პატრა, სუსტი არსება,
მაშინვე იწყებს ფრთების წესრიგში მოყვანას, ნელ ნელა ყალიბდება არსებად რომელიც გარემოს ალამაზებს, აფერადებს. სრულყოფილს ხდის. თან ყველაფერს ამას აღწევს ფრთების ფარფატით
მსგავსი პროცესი ერთხელ უკვე ნანახი მაქვს.
ვნახე როგორ ყალიბდება პატარა გოგონა, ულამაზეს არსებად რომელიც გიყვარს, თავის არსებობით ჭკუაზე გშლის და ყალიბდება შენს თვალწინ პიროვნებად, რომელიც ზოგჯერ თავისი შარმით, გაუგებარი და ამოუხსნელი სურვილებით, ხან თავნებობით , ხან ულევი სითბოთი, და რაც მთავარია სიტყვებით ძნელად აღსაწერი სილამაზით.
ის იზრდება, ხასიათი დღეში ასჯერ ეცვლება, გარშემო მყოფთ  უწევთ ასივეჯერ გადაეწყონ იმ იმედით, რომ ეგენის მას ღიმილი დასტყუონ. მისი ღიმილი ხომ ახლად ამოსულ მზეს ჰგავს. სავსეს სითბოთი და ნდობით  ღიმილი რომელიც გაზაფხულის მაგვარია. ფერადი. ლამაზი. საინტერსო და მომავლით  სავსე.
მერე და მერე ხვდები, რომ შენ სამყარომ საიდუმლოს გაზიარა.
თავის საიდუმლოს.
მხოლოდ მას რომ ეკუთვნის. შენ უბრალოდ პატივი დაგდო, გაგხადა რა მოწმე მისი საიდუმლოს დაბადებისა. შენ კი მთელი ცხოვრება მადლიერი ხარ ამისთვის. განსაკუთრებით მაშინ როცა ეს პროცესი კვლავ მეორდება,
ისევ და ისევ.
გაუთავებლად. უწყვეტად.
შენ კი იმ მეტამორფოზის ტყვეობაში რჩები და სიცოცხლის ბოლომდე მადლიერი ხარ სამყაროსი ამისთვის.

ამიტომაა, როცა ამ პატარა, თავნება, ლამაზუნა არსებებს ხვდები, სახეზე მაშინვე ბრიყვი ღიმილი დაგთამაშებს და მზად ხარ უკვე  მერამდენედ, ყველაფერი გააკეთო რათა კვლავ და კვლავ საჩუქრად ღიმილი მიიღო.

გადის დრო და ეს გოგონები დედები ხდებიან,
და ისევ იბადებიან თავნება, ლამაზუნა პეპლები, ულანაზესი ფრთებით და სამყარო ისევ იწყებს შენს გაოცებას,  სიხარულისგან გაშეშებას.
შენ კი დადიხარ ისევ სახეზე ბრიყვი ღიმილით და თავი სამყაროს მბრძანებელი გგონია.
სამყარო, რომელსაც არ ეზარება, უწყვეტად გაგაოცოს!

დედის დღეს გილოცავთ ბატონებო.
გაზაფხულის სიო და ღიმილი ყოს ჩვენი თანამდევი.

კიაზო ბერიაშვილი
1 მარტი/ 2015