ჩვენმა შვილებმა დაკარგეს მათთვის განათლების მიმცემი, მათთვის მებრძოლი, მათი მომავლისთვის ყველაფრის მომთმენი, ჩვენი შვილების პერსპექტივისთვის იდეების გენერატორი.
ჩვენმა შვილებმა თვალნათლივ დაინახეს მათი წინა თაობის გააფთრებული ბრძოლა მათივე მომავლთან.
ბატონი კახა გახდა ბრძოლის სიმბოლო უწიგნურობასთან, სიბრიყვესთან, უტიფრობასთან.
ბატონმა კახამ ჩვენს შვილებს დაანახა, რომ ბრძოლას ყოველთვის აქვს აზრი. რომ სინდისი არ იყიდება. რომ ბევრი ფულის ფლობას აზრი არა აქვს უწიგნური, გაუნათლებელი, ბოგანო ადამიანებისთვის.
ბატონმა კახამ ყველას დაგვიმტკიცა, რომ ფულის მქონე ადამიანი შეიძლება იყოს ქველმოქმედი , განმათლებელი და შიძლება ადამიანმა ბევრი ფული დახარჯო უსაქმურთა მოსასყიდად და პირად მარიონეტებად გადასაქცევად.
ამიტომაც დევნიდნენ მას ბოგანონი და უყვარდათ ჩვენს შვილებს.
ამიტომაც დასტირიან მას დღეს ჩვენი შვილები.
ბატონმა კახამ ისინი გაუზარდა ამ ქვეყანას, ამ ქვეყნის მომავალს.
ამიტომაც გახარებულია ბოგანო მინისტრის ბოგანო მიადგილე.
ამიტომაცაა კმაყოფილი ბოგანო ყოფილი რეჟისორი და ბოგანო პოეტი.
თავისი გარდაცვალებით ბატონმა კახამ ყველას დაანახა ამათი, ბოგანოთა წარმავლობა, ხოლო ბოგანოთა ჟრიამულის წარმავლობას საფუძველი ჩაუყარა ბატონმა კახამ.
ჩვენ კი დაგვიტოვა შესასრულებლად მისია, რომელსაც ალტერნატივა არ გააჩნია.
ისვე როგორც ბატონი კახა იყო უალტერნატივო ჩვენთი ქვეყნისთვის და ჩვენი შვილებისთვის.
მადლობთ ბატონო კახა.
მადლობთ ყველაფრისთვის რისი გაკეთებაც მოასწარით.
მადლობთ ჩვენი შვილების მომავლისთვის.
გუშინ ბატონი კახა შეუდგა მთვარით განათებულ იმ გზას, რომლის ბოლოში მას ელიან. მოუთმენლად ელიან, რათა გაიხარონ მასთან საუბრით და აღივსონ მის ოპტიმიზმით.
ამ გზაზე მას მიაცილებენ რაინდები, რომეთა ხილვის პერსპექტივა ყველაზე მძიმე კოშმარია ბოგანოთათვის.
მაგრამ ბოგანონი ამ რაინდებთან შეხვედრას ვერ ასცდებიან.
ამ შეხვედრის ორგანიზება კი ჩვენი მისიაა. ჩვენი ვალია!
მშვიდობით ბატონო კახა!
მშვოდიბით და მადლობთ.
14 ნიემბერი, 2014 წელი
თბილისი. საქართველო
Комментариев нет:
Отправить комментарий