გრაფი

მაშინაც ახალი წლის ღამე, იყო.
თბილისი.
უბენზინო და ალაგ ალაგ განათებული.
ჟიგული 03, სახელად რიგოლეტო.
შიგნით ხუთი ქართველი და ერთი აწოწილი გერმანელი.
გრაფი ფონ ,,,,,,
მდიდარი, საგავრეულო სასახლის მფლობელი.
მესამე სუფრაზე მივდივართ და გზაში ისმება შამპანური ბოთლებიდან და უკვე ორჯერ მოვიპარეთ ბენზინი უცხო მანქანების ბაკებიდან.
ისევ გავჩერდით. დაიწყო  არა შენ გადადი და არა  შენ.
ამ ჯაჯღანს ყურადღებით უსმენს გრაფი.
ხვდება რაზეა ყაყანი და ამაყად აცხადებს, მე გადავალო!
მთვრლი მიეპარა ერთ მანქანას, უცებ გახსნა ბაკი, ჩაუშვა შლანგი და დაიწყო ბენზინის ამოწოვა 20 ლიტრიან კანისტრაში.
ჩვენ მანქანაში ვზივართ. ვსვამთ.
ვუყურებთ.
კარგა ხნის შემდეგ გრაფმა ამოწოვა ბენზინი, ამაყად გადმოგვხედა და სახე გაუშეშდა.
მას თავზე წამოადგა მანქნის პატრონი და ბედად იმ ქუჩაზე შემოსული ავტო ინსპექციის მანქანა.
გადმოვხტით რიგოლეტოდან.
ჩვენც, პატრონიც, ინსპექტორებიც, ყველანი ნასვამები. ჰო! და გრაფიც.
დაიწყო საქმის გარჩევა,
ყველა ერთად   ლაპარაკობს. გრაფი ხელში შლანგით და კანისტრით, ინსპექტორებს გაკავებული ჰყავთ.
ხმას არ იღებს. უბრალოდ უცნაურად იღიმის.
გნიასში ჩაერთნენ მეზობლებიც.
გრაფს შეშლილი თვალები უხდება.
ამ ამბავში ვართ რომ გრაფი იწყებს გერმანულად კივილს და თვალები უკვე ინსპექტორებს უხდებათ შეშლილი.
გერმანელი რაღაცეებს გაიძახის,
ხმარობს სიტყვებს კომუნისტიშე, ფაქ სოვიეთ  უნიონ და  სხვა საზიზღრობებს.
სადღაც ერთ საათში პოლიციელები მთვრალ თარჯიმანს ეკითხებიან ეს ვინაა ეს ჩათლახიო.
გრაფი ისევ აკივლდა, ვინაიდან უკვე იცოდა რას ნიშნავს ჩათლახი.
იმუქრება გიჩივლებთო.
მთელი ეს ღრიალი და კვილ –წივილი, მოულოდნელად დამთავრდა.
უცებ ინსპექტპრები ხელს უშვებენ გერამნელს და სასტიკ უარს ამბობენ დაკავების აქტის შედგენაზე!
ჩვენო გიჟები კი არა ვართ, აქტშიჩავწეროთ, რომ ახალი წლის ღამეს ბენზინის შლანგით მოპარვაზე მთვრალი გერმანელი გრაფი დავიჭიროთო!
ჯერ ერთი უფროსობა არ დაგვიჯერებს, მეორეცმ  გვეტყვიან ამდენი რამ დაგალევინათო და მოგვხსნიანო!
ამაზე ატყდა ხარხარი. მხოლოდ გრაფს გამოხედვა უფრო შეშლილი გაუხდა.
მოკლედ, შედეგად ყველანი ისევ  მანქანის პატრონმა სახლში შეგვიპატიჟა და გაგლეჯამდე გვასვა ღვინო. თან ყველა ნაცნობს ურეკავდა და ეკაიფებოდა, აბა გამოიცანით ვისთან ერთად ვქეიფიბო ჩემთან სახლშიო!
ბოლოს ყველამ ერთად ვიმღერეთ და ვიცეკვეთ. ცუდად, მაგრამ ხომ ვეცადეთ მაინც არა!?

მე მგონი იმ ღამეს  დავკარგეთ მაპის მიღების შანსი.
რას გაუგებ გერმანელებს!

კიაზო ბერიაშვილი
01.17.15