შავი კატა ევროპაში დაშლიგინებს

ყველას გვინახია როგორ ტრიალებენ წრეზე კატები, ერთ ადგილას სანამ მოეწყობიან.
თან წრეს ავიწროებენ.
შავი კატებიც ასე იქცევიან, გინდ პუმა და გინდ სახლის ფისო.
ვოლანდი და მისი გუნდი რუსეთის ირგვლივ ტრიალებენ და წრესაც ავიწროებენ.
ეს ყველაფერი ძლიერ საშიში ხდება მათთვის,  ვინც აიშვა და ვერ ოკდება.

დემონ ვლადიმირს ეტყობა გულმა უგრძნო, როცა წითელ მოედანზე  უზბეკი და  ტაჯიკი  მეეზოვეების წინაშე თვალცრემლიანი წარსდგა. მაშინ ყველამ იფიქრა, რომ ის თამაშობდა. ეხლა ირკვევა, რომ არ თამაშობდა. ის სათაყვანებელ დიად  რუსეთს ემშვიდობებოდა,  თურმე.

ვინ, თუ არა დემონი იგრძნობდა, რომ აღსასრული მოახლოვდა.  ვოლანდის ცხენის ფლოქვების თქარათქური პირველად მას შემოესმა ნათლად. პანიკაში ალოგიკური სვლების კეთება დაიწყო, რაც ასე სურდა მესსირს. დემონმა ყველაზე კარგად იცის რისი ჩამდენია ვოლანდი და მისი ამქარი.
დემონი დასაწყისისთვის სრულ იზოლაციაში მოაქციეს. მერე აზიურ ვეფხვს მიუგდეს საჯიჯგნად. ვეფხვიც, როგორც თაგვს კატა, ისე ეთამაშება და მალე ყელსაც გამოღადრავს. მაგრამ ეს ცოტა მერე. მოგვიანებით.
ჯერ დემონის ჭინკები არიან მოსაშთობები. აი, ისინი მწვანე ზრდილობიანი კაცუნები თუ გაპრემიერ-მინისტრებული გონმიბნედილი გობლინები.
უკრაინაში ჭინკებს პრიმიტიულად ასობით ჟლიტავენ.
საქართველოში დემონის შიშები ფართოდ გავრცელდა.
ქვეყანას შესეული ჭინკები პრესკონფერენციებს ატარებენ, თავის თავს ელაპარაკებიან და გაჯგიმულები დახტიან. ყველას ყველაფერს აყვედრიან, ყველას ეჩხუბებიან და ამაყი სახით ბოდავენ.
შავი კატის მეგობარს პლანტაციებში მონად ეპატიჟებიან. შავ კატას ვინც კი დაელაპარაკა,  ყველას ლანძღავენ.
ამას პანიკა ჰქვია. ტრივიალური პანიკა. ქუჩაში უკვე უბრალო ფისოების დაჭერასაც მალე დაიწყებენ ეტყობა.
გრძნობენ, რომ ეს ის კატაა არაა, ფეხებში რომ გედება და კრუტუნებს. მას ბეჰემოთი ჰქვია და ყველაფრის მკადრებელია. მით უმეტეს,  დემონი  ვლადიმირი ჭინკებს ვერ იტანს. განსაკუთრებით თუ ჭინკები გონებასუსტობით და ხელმრუდობით გამოირჩევიან. ხელმრუდობა და ანცობა ხომ ბეჰემოთის მოგონილია. ჯერ შეუჩნდა და მილიონები ახარჯვინა ჭინკებს. მათთან ერთად იქეიფა, საუნაშიც იტინგიცა მათთან ერთად და ეხლა ანგარიშს ითხოვს, რა უყავით, რაში დახარჯეთო! გეწყინება ესეთი თვალთმაქცობა აბა რა იქნება. ამიტომ, დასაჭერთა სიაში ფისოები ნაღდად მოხვდებიან.
პენსნეიანი ტიპი, პრეზიდენტს შეუჩნდა, ეგენიო,  სათანადოდ არ გექცევიან  და გააგიჟეს ეს უწყინარი კაცი. ამანაც აფრები აუშვა და მე თქვენ ვინ გგონივართო, აკივლდა.
მეო, ხელის მოწერაზე წავედიო და რომ ჩამოვალ, თქვენი სუსი არ გავიგოო, თორემ კონტრასიგნაციას, თუ რაც ჰქვია,  აგახევთო. თან იღიმოდა.
უხდება ღიმილი.

ის შავი კაცის მეგობარი კი შორეთიდან იკრიჭება და ხომ ვიძახდიო,  ამბობს.

დიდი ჟრიამულით დაიწყეს ჭინკებმა  საქართველოში გრიმიტი. ისე, ეტყობოდათ თავიდანვე, რომ გულს კაეშანი აწვებოდათ და სრულად ფრთების გაშლის საშუალებას არ აძლევდნენ.
აი, სულ მაგ ჭკუაზე იყვნენ ფერადი კაცები და მათი მეგობრები ამის საშუალება მიეცათ.

მოკლედ, ესეა. იცინის ის, ვინც ბოლოს ხარხარებს.

კიაზო ბერიაშვილი