დავიმასხოვროთ ეს დღე. 14 აპრილი. 2014 წელი.
წყალგამყოფი დღე.
ქართველებისთვის. უკარინელებისთვის. რუსებისთვის.
ევროპელებისთვის. ამერიკელებისთვის.
კაცობრიობისთვის.
დღეს მოხდა ფერადი მსოფლიოს შავ–თეთრ ფერად გარდაქმნა.
ნათელი და ბნელი.
აქ, ჩვენში კონკრეტულად გაიყო ხელისუფლება ორ მხარედ.
ქვეყნის პირველი პირი, მთავარსარდალი. მთავრობის და პარლამენტის გამრეკი უფლებამოსილებით აღჭურვილი. იმყოფება ევროპის მხარდამჭერ აქციაზე. გამოდის მგზნებარე სიტყვით და აფიქსირებს ზუსტ პოზიციას.
პრემიერ-მინისტრი,  “მოქალაქესთან”  და დეპუტატ  “ტიტუშკებთან”  ერთად სხვაგან იკრიბებიან. მათ სხვა გეგმები აქვთ და სხვა მიზნები. ისინი პრეზიდენტის პოზიციას იგნორირებენ.
ამასვე აკეთებს ეკლესია. ისინიც ემიჯნებიან პრეზიდენტს.
ყველამ თავისი ადგილი დაიკავა. ყველაფერი დღესავით ნათელი გახდა.
ეს ქართული გაყოფა სრულ კორელაციაშია იმასთან,  რაც ხდება უკრაინაში და ევროპაში.
პუტინი დაუპირისპირდა კაცობრიობას.
რუსეთი განკიცხული ქვეყანა გახდა.
მას ცოდვებისთვის პასუხის მოკითხვის დღეები დაუდგა.
ამ ქვეყანას დიდი დღე აღარ დარჩა.
ადრე ვთქვი და გავიმეორებ.

ამ პლანეტაზე ჯერ არავის არ შერჩენია იეუშას და ვოლანდის განრისხება.
ეს ორი ძალა, არავის და არაფერს არ აპატიებს.

მათ შეუძლიათ ერთად მოქმედება.
აი,  ამ მოქმედების შედეგების მოწმენი ვართ დღეს.

აქაც და იქაც.

დედამიწა იწყებს ჭირის მოშორებას.
წარმატება მას.
ეს უპირობო გამარჯვებისთვის განწირული მკურნალობაა.

წარმატება ჩვენც გვექნება.

წითელ მოედანზე დადებული ტერაფიტი და მისი აქაური ეპიგონების დასჯის დრო მოვიდა.
იეუშას და ვოლანდს საქმე ყოველთვის ბოლომდე მიჰყავთ.

14 აპრილს ერთი ბრძოლა ერთხელ უკვე მოვიგეთ.

კიაზო ბერიაშვილი
უკიდეგანო ოპტიმისტი კატა

15.04.14