SHOW MUST GO ON!

უნიკალური ხალხი ვართ!
წარმოდგენებისადმი მიდრეკილი.
მაიმუნობის მოყვარული.
შოუ ნაღდად ჩვენი მოგონილია!

რამ გადაგვარჩინა ამდენი ხანი.
რამ გვიხსნა თავსდატეხილი საშინელებებისგან.
შოუმ და ეროვნულმა მიმკრიამ.

ჩვენ მოვესწარით კომუნიზმის მშენებლებს.
საქართველო გაძეძგილი იყო კომუნისტებით.
გულანთებული კომუნიზმის მშენებლებით.
ნორჩი ლენინელებით და იშვიათი ჩამოსხმის კომკავშირლებით.
გვახსოვს ჯვრიანი რაიკომის მდივნები და ნათლიები პარტბილეთებით.

სად არიან კომინისტები? ა!? ფაფუ. გაყიდეს სკკპ ქართველებმა.
კომუნისტები გაქრნენ, ქართველები ისევ აქ ვართ!

სკკპ წარმატებით ჩაანაცვლა საქართველოს ეკლესიამ.
უცებ, მიწიდან ამოძვრნენ მედავითნეები და თვალცრემლიანი მამოები.
რაიკომის მდივნები ჩაანაცვლეს ეპისკოპოსებმა.
შესაბამისად, საქართველო გაიძეძგა მორწმუნეებით და ეკლესიებით.
მორწმუნეები იგივენი იყვნენ, ვინც კომუნიზმს აშენებდნენ თავდავიწყებით და ლაპარაკობდნენ სწორი ტექსტებით.
განცდა –  პროფესია “მრევლი”.
ზემო იმერეთის ეპარქიის მრევლი.
პირველი სვირის მრევლი, და ასე შემდეგ.

ნამდვილი მორწმუნენი კი კვლავ ცოტანი არიან და კვლავ ბოგნონი.
ეპისკოპოსები შავ ჯიპებში ზიან და ბოგანო მორწმუნეთ მოძღვრავენ.

ცოტა გაუჭირდათ ქართველებს მიხეილ სააკაშვილის დროს.
ამ კაცმა ინგლისური ენის წიგნები დაურიგა და ორშაბათამდე ისწავლეთო!
არა, ნაკომუნისტარ მრევლს არ გასჭირვებია უცებ გადაწყობა, მაგრამ  კომინისტობას თავისი  მაგნეტიზმი ჰქონდა და ხიბლი.

მერე მოვიდა ბიძინა, რომელსაც მიშამ სარკასტული ღიმილით გადააბარა ხელისუფლება და ერმაც იხუვლა!
ყველამ იყიდა ოქროს ცოცხები და აქანდაზები.
გრძელ დისტანციაზე ბარიერებზე მოხტუნავე ტიპები ლურჯ მაისურებში გამოეწყვნენ და მიშას აგინეს.
იგივე დამართეს ამ ტიპებმა ნინო ბურჯანაძეს, 10% რომ ნაცნობობით და შანტაჟით ძლივს რომ ასცდა ბოლო არჩევნებზე.

ეხლა ჯერი ეკლესიის ტოტალურ  გაფარჩაკებაზე მიდგა.

მე მგონი ქართველი ერი მართლა ბრძენია!

დამეთანხმეთ რააა, ბიძიები და დეიდები!

კიაზო ბერიაშვილი
უპრინციპულესი
უბნის გიჟი